الطاجن المغربى

الطاجن المغربى له مذاق فريد وتختلف طريقة إعداده عن طريقة إعداد الطواجن المصريه من حيث نوعية وكمية التوابل والمكونات ويعتبر الطاجين الفخار من اهم أدوات المطبخ المغربى ولا يخلو بيت منه وسنقدم طريقة بسيطه لعمل الطاجين المغربى باللحم والبطاطس 
المقادير:
1-  نصف ك لحم (يفضل لحم الغنم )
2-  4 حبات بطاطس مقطعه صوابع عرضه +
3-  2 حبة جزر مقطع اصابع +حبتين طماطم مقطعه شرائح
4- 3 حبات فلفل اخضر +مقدار فنجان بسله بالجزر
5 -  ليمون مخلل او زيتون اخضر مخلل +كزبرة خضرا
6- 2 بصله مقطعه جوانح
7- ملعقة زبدة وملعقتين زيت نباتى
التوابل :
نصف ملعقة زنجبيل +ملعقة كركم +ملعقة بودرة زعفران او زعفران اوراق حسب المتوفر+ملعقة هيل ناعم
الطريقة :
فى وعاء صغير هنقوم بخلط جميع التوابل مع مقدر فنجال كبير ماء ونقوم بتتبيل اللحم جيدا مع اضافة القليل من الملح وبعد تتبيل اللحم نقوم بتتبيل اابطاطس والفلفل والجزر بنفس التوابل وفى طاسه هنقوم بتسخين الزبده والزيت واضافة نصف كمية البصل ونقوم بتشويحه مع اللحم المتبل لمدة 5 دقايق بعد كدة هنقوم بتجهيز الطاجن كاﻷتى :
فى قاع الطاجن هنقوم بوضع الكزبرة الخضراء وبعدها باقى كمية البصل ونضيف بعد كدة الليمون المقطع او الزيتون ومن فوقهم نرص كمية اللحم المشوح مع البصل بعد كدة هنرص الطماطم بشكلٍ دائرى وفى المنتصف هنضع البسله بالجزر وبعد كدة هنرص باقى الخضار واحدة بطاطس ثم واحدة جزر وفلفل وهكذا بعد كدة هنضيف مقدار كوب من الشوربه للطاجين ونقوم بوضع غطاء الطاجين وندخله الفرن لمدة 45 دقيقة

وبالهنا والشفا
شيف على خاطر